Нашр шуд: 06 Июни 2013

Диданд: 1117

ЭЪЛОН

        Вазорати маорифи Ҷумҳурии Тоҷикистон ва Муассисаи давлатии “Маркази миллии тестӣ” ба маълумоти хонандагони синфҳои 10-и муассисаҳои таҳсилоти миёнаи умумии ҷумҳурӣ мерасонад, ки аз 15 то 22 июни соли 2013 давраи супоридани имтиҳонҳо баргузор мегардад. Хонандагоне, ки дар давраи бақайдгирӣ (аз 15 то 30 апрели соли 2013) барои иштирок дар Озмоиши калони низоми имтиҳонҳои марказонидашудаи дохилшавӣ аз қайд гузаштанд, метавонанд тибқи нишондодҳои даъватномаи дастрасгардида бо дарназардошти рӯйхат, макон, замон ва вақти баргузории имтиҳонҳо ба марказҳои имтиҳонӣ ҳозир шаванд.

        Телефонҳо барои маълумот: дар шаҳри Душанбе – (98) 731-00-61, дар шаҳри Қӯрғонтеппа – (98) 731-00-62, дар шаҳри Хуҷанд – (98) 731-00-63, дар шаҳри Хоруғ – (98) 731-00-64.

Нашр шуд: 05 Июни 2013

Диданд: 1156

Душанбе, 05 июни соли 2013 – Аз 13 то 31-уми майи соли ҷорӣ дар чор минтақаи ҷумҳурӣ (шаҳрҳои Душанбе, Қӯрғонтеппа, Хоруғ ва Хуҷанд) семинар-тренингҳои омӯзишӣ барои хоҳишмандоне, ки тибқи эълони пешакӣ ҷиҳати иштирок дар озмуни интихоби вазифаҳои роҳбар, ёвар, маъмури калон ва маъмури имтиҳонии марказҳои имтиҳонӣ ҳуҷҷат супорида буданд, доир гардид. Дар рафти семинар-тренингҳои омӯзишӣ 280 нафар хоҳишмандон иштирок варзиданд. Семинар-тренингҳои омӯзишӣ дар асоси модул ва барнома тибқи ҷадвали тасдиқгардида дар сатҳи баланд гузаронида шуд. Дар анҷоми семинар-тренингҳои омӯзишӣ барои мустаҳкам намудани маводди омӯзишӣ ба иштирокчиёни семинар-тренинг видеоролики омӯзишӣ намоиш дода шуд.

Муфассал...

Нашр шуд: 04 Июни 2013

Диданд: 1034

Ҷадвали гузаронидани имтиҳонҳо барои Озмоиши калони имтиҳонҳои марказонидашудаи дохилшавӣ – 2013

Нашр шуд: 31 Майи 2013

Диданд: 1217

31 майи соли 2013 - Муассисаи давлатии «Маркази миллии тестӣ» ҷиҳати омодагӣ ба имтиҳонҳои марказонидашудаи дохилшавӣ ба муассисаҳои таҳсилоти олии касбии ҷумҳурӣ дар соли 2014 бо дастгирии Шуъбаи ташкилоти байналмилалии Институти «Ҷамъияти кушода» – Бунёди мадад дар Тоҷикистон аз 27 то 30 майи соли 2013 дар меҳмонсаройи “Пойтахт” барои омӯзгорони фанни забон ва адабиёти тоҷик  семинари омӯзишӣ баргузор намуд.  

Дар кори семинари омӯзишӣ 51 нафар омӯзгор аз тамоми вилоятҳо, ноҳияҳои тобеи ҷумҳурӣ ва шаҳри Душанбе иштирок намуданд.

Муфассал...