Нашр шуд: 25 Июни 2019

Диданд: 5287

ш. Душанбе, 25-уми июни соли 2019

Ба таваҷҷуҳи намояндагони воситаҳои ахбори омма расонида мешавад, ки Маркази миллии тестии назди Президенти Ҷумҳурии Тоҷикистон аз 25-уми июни соли 2019 аккредитатсияи намояндагони воситаҳои ахбори омма (ВАО)-ро барои боздид аз марказҳои имтиҳонӣ ва инъикоси иттилоотии баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна олии касбӣ (ИМД), ки аз 1-ум то 13-уми июли соли ҷорӣ дар 47 маркази имтиҳонӣ доир мегарданд, оғоз менамояд.

Нашр шуд: 20 Июни 2019

Диданд: 1064

Душанбе, 20-уми июни соли 2019

Ба таваҷҷуҳи довталабоне, ки дар марҳалаи асосӣ (аз 1-уми март то 30-юми апрел) худро номнавис кардаанду интихобҳои аввалаи худро иваз кардан мехоҳанд, расонида мешавад, ки муҳлати марҳалаи иловагии азнавбақайдгирӣ то 30-юми июн тамдид карда шуд.

Нашр шуд: 14 Июни 2019

Диданд: 1330

Душанбе, 14-уми июни соли 2019

Ба таваҷҷуҳи довталабон мерасонем, ки ҷадвали баргузории имтиҳонҳо – қисмҳои А (имтиҳони умумӣ), Б (имтиҳони ихтисос), АБ‑9 (имтиҳони умумию ихтисос), В (имтиҳонҳои эҷодӣ ва маҳорати махсус) ва Г (имтиҳонҳои иловагии тахассусӣ) барои даври асосӣ ва иловагии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2019 дар сомонаи Марказ ҷойгир карда шуд.

Нашр шуд: 12 Июни 2019

Диданд: 1055

Душанбе, 12-уми июни соли 2019

Маркази миллии тестии назди Президенти Ҷумҳурии Тоҷикистон хабар медиҳад, ки дар тартиб (реҷа)-и кори нуқтаҳои бақайдгирӣ, ки дар марҳалаи иловагии бақайдгирӣ дар шаҳри Душанбе фаъолият менамоянд, тағйирот ба амал омад: нуқтаҳои бақайдгирӣ дар шаҳри Душанбе аз 13‑ум то 16-уми июн фаъолият намекунанд.