Нашр шуд: 22 Майи 2018

Диданд: 1154

Душанбе, 22-юми майи соли 2018

Ҷиҳати омодагӣ ба гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2018 Маркази миллии тестии назди Президенти Ҷумҳурии Тоҷикистон семинарҳои омӯзиширо барои тренерони кормандони муваққатӣ доир кард. Чунин семинар-машваратҳо аз 15-ум то 16-уми майи соли 2018 дар шаҳри Душанбе дар муассисаи таҳсилоти умумии № 100 барои намояндагони ноҳияҳои шаҳри Душанбе ва шаҳру ноҳияҳои тобеи ҷумҳурӣ ва Вилояти Мухтори Кӯҳистони Бадахшон бо иштироки 31 нафар шунаванда, аз 18-ум то 19-уми май дар шаҳри Хуҷанд дар муассисаи таҳсилоти умумии № 19 барои намояндагони шаҳру ноҳияҳои вилояти Суғд бо иштироки 14 нафар шунаванда, аз 18-ум то 19-уми май дар шаҳри Кӯлоб дар муассисаи таҳсилоти умумии № 51 барои намояндагони шаҳру ноҳияҳои минтақаи Кӯлоби вилояти Хатлон бо иштироки 8 нафар шунаванда ва дар шаҳри Бохтар дар муассисаи таҳсилоти умумии № 12 барои намояндагони шаҳру ноҳияҳои водии Вахши вилояти Хатлон бо иштироки 9 нафар шунаванда баргузор гардид.

Нашр шуд: 14 Майи 2018

Диданд: 1080

МАТЛАБИ МАТБУОТӢ

оид ба оғози семинарҳои омӯзишӣ барои тренерони кормандони муваққатӣ барои баргузории ИМД-2018

Душанбе, 14-уми майи соли 2018

Мутобиқи банди 46-уми “Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон”, ки бо қарори Ҳукумати Ҷумҳурии Тоҷикистон аз 1-уми марти соли 2018, № 81 тасдиқ шудааст ва тибқи нақшаи чорабиниҳо оид ба ташкил ва гузаронидани имтиҳонҳои марказонидаи дохилшавӣ (ИМД) ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли таҳсили 2018-2019 бо мақсади омода намудани тренерон дар 4 минтақаи ҷумҳурӣ – Душанбе, Кӯлоб, Бохтар ва Хуҷанд бо шумораи 65 нафар иштирокдор давраи 1-уми семинар- машварати омӯзишӣ барои омода кардани кормандони муваққатӣ ҷиҳати гузаронидани ИМД-2018 баргузор мегардад. Аз рӯйи эълон дар ин бора 44 нафар ба ҳайси тренер ҳуҷҷат супоридаанд. Аз ин 44 нафар мувофиқи нақша 31 нафар ба кор ҷалб карда мешаванд. Инчунин, аз ҳисоби кормандони Марказ 21 нафар дар ин семинар иштирок менамоянд.

Нашр шуд: 02 Майи 2018

Диданд: 1161

Душанбе, 2-юми майи соли 2018

Бо мақсади иҷрои бандҳои марбутаи “Стратегияи миллии рушди маорифи Ҷумҳурии Тоҷикистон то соли 2020”, ки бо қарори Ҳукумати Ҷумҳурии Тоҷикистон аз 30.06.2012, № 334 тасдиқ шудааст, ҷиҳати гузариш ба муносибати босалоҳият дар таълим бо ташаббуси Вазорати маориф ва илми Ҷумҳурии Тоҷикистон, барномаи дастгирии таҳсилоти босифат, марҳилаи 1 (Иттиҳоди Аврупо) ва Маркази миллии тестии назди Президенти Ҷумҳурии Тоҷикистон дар минтақаҳои Рашт (20.04.2018) ва Бохтари вилояти Хатлон (27.04.2018) семинар-машварати омӯзишии якрӯза оид ба татбиқи муносибати босалоҳият дар таълим баргузор гардид. Дар семинар ҳайати омӯзгорони муассисаҳои таълимии таҳсилоти умумӣ, ибтидоии касбӣ, миёнаи касбӣ ва олии касбӣ, кормандони дахлдори раёсат ва шуъбаҳои маориф иштирок намуданд.

Нашр шуд: 01 Майи 2018

Диданд: 1215

Душанбе, 1-уми майи соли 2018

Марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2018 ба анҷом расид.

Хотиррасон менамоем, ки тибқи тартиби муқаррарнамудаи Ҳукумати Ҷумҳурии Тоҷикистон маблағи барои хизматрасонӣ дар ИМД пардохтшуда дар ҳолатҳои зерин баргардонида мешавад: