Нашр шуд: 31 Марти 2014

Диданд: 1302

Ахиран Маркази миллии тестии назди Президенти Ҷумҳурии Тоҷикистон ду нуқтаи иловагии сайёрро барои сабти довлатабони муассисаҳои таҳсилоти олии кишвар дар ноҳияҳои кӯҳистонии Айнӣ ва Тавилдара ташкил кард.

Бояд гуфт, ки Марказ бо таваҷҷуҳ ба шароити душвори навоҳии кӯҳистонӣ дар ин манотиқ нуқтаҳои сайёр ифтитоҳ кардааст, ки нуқтаҳои мазкур ҳар кадом аз ду истгоҳ иборатанд.

Ғайр аз ин, бо таваҷҷуҳ ба имкони афзоиш ва коҳиши довталабон дар маҳаллоти ҷудогона, нуқтаҳои сайёр мумкин аст дар оянда аз як маҳал ба дигар низ кӯч додашаванд.

Марҳилаи бақайдгирии довталабони муассисаҳои таҳсилоти олии Тоҷикистон аз 1 март оғоз шуда то 15 апрел идома хоҳад дошт.

Бояд қайд кард, ки то 31 марти соли ҷорӣ дар саросари Тоҷикистон беш аз 23 ҳазор нафар аз довталабон сабтином шудаанд.

Нашр шуд: 28 Марти 2014

Диданд: 1245

Маркази миллии тестии назди Президенти Ҷумҳурии Тоҷикистон иттилоъ медиҳад, ки 02 апрели соли 2014 соати 09:00 дар маҷлисгоҳи ММТНПҶТ мизи мудаввар оид ба имтиҳонҳои эҷодӣ ва маҳорат бо иштироки намояндагони масъули муассисаҳои таҳсилоти олии касбие, ки ИЭМ қабул менамоянд, гузаронида мешавад.

Бақайдгирӣ аз соати 08:00 то 09:00

Телефон барои тамос: 985-15-44-43

Нашр шуд: 27 Марти 2014

Диданд: 1305

МАРКАЗИ МИЛЛИИ ТЕСТИИ НАЗДИ

ПРЕЗИДЕНТИ ҶУМҲУРИИ ТОҶИКИСТОН

ЭЪЛОН

Интихоби тренерон  оид ба гузаронидани

семинарҳои омӯзишӣ барои кормандони муваққатӣ

             Мансаб:                              тренерон (40 вазифа)

             Иҷрои вазифа:                 аз 2 то 5 ҳафта (аз 19 май то 18 июн бо имкони тамдид).

Макони иҷрои вазифа: ш. Душанбе – 12 нафар,  н. Рашт – 2 нафар, ш. Қурғонтеппа – 4 нафар, н. Шаҳритуз – 2 нафар,  ш. Кӯлоб – 4 нафар, н. Данғара – 2 нафар, ш. Хуҷанд – 4 нафар,  Б. Ғафуров – 4 нафар,     ш. Панҷакент – 2 нафар, ш. Истаравшан – 2 нафар,  ш. Хоруғ – 2 нафар.

Нашр шуд: 18 Марти 2014

Диданд: 1842

Дирӯз тамоми ҷумҳуриро хабари фоҷиабор ва нобаҳангоми дар роҳи ноҳияи Айнӣ рухдода сахт андуҳгин кард. Сад дареғ, ки духтаракони ғунчаи умедашон нав ба шукуфтанҳои фасли Наврӯзрасида ва омӯзгори рӯзгори кӯтоҳи онон бо тӯфони сарнавишт аз шохсорони умеду орзуҳо канда шуда, роҳи ҷовидониро пеш гирифтаанд.

Аммо чӣ илоҷ, ки касе пеши роҳи ин сафарро дошта натавонист.

Мо ғаму ғуссаи падару модарони ин гулғунчаҳои ношукуфтаро ва пайвандонашонро дарк мекунем.

Забони одамӣ барои тасаллият лол аст.

Худованди бахшояндаи меҳрубон рӯҳашонро шод ва ҷояшонро дар биҳишти абад гардонад. Ба падару модарон ва пайванду ошноёни онон Худо сабру тоқат диҳад.

Маркази миллии тестии назди Президенти Ҷумҳурии Тоҷикистон.