Душанбе, 30‑юми июни соли 2026 

Ба таваҷҷуҳи довталабон расонда мешавад, ки соли ҷорӣ дар сохтори китобчаҳои тести қисми А барои гурӯҳҳои ихтисосҳои 2-юм (иқисод ва география), 3-юм (филология, педагогика ва санъат) ва 4-ум (ҷомеашиносӣ ва ҳуқуқ) ва қисми Б барои гурӯҳҳои ихтисосҳои 3-юм (филология, педагогика ва санъат) ва 4-ум (ҷомеашиносӣ ва ҳуқуқ) тағйирот ворид карда шуд.

Тибқи навгонии соли ҷорӣ китобчаҳои тести мазкур танҳо бо як забони хориҷӣ – англисӣ чоп карда шудаанд. Хотиррасон мекунем, ки солҳои пеш ин китобчаҳо бо чор забони хориҷӣ – англисӣ, немисӣ, франсавӣ ва арабӣ чоп мешуданд. Вобаста ба ин, агар довталаб забони англисиро надонад ва дар вақти бақайдгирӣ иштибоҳан забони хориҷии медонистааш (немисӣ/франсавӣ/арабӣ)-ро интихоб накарда бошад, барои роҳнамоӣ дар ҳалли ин масъала пешакӣ бо Марказ (224 53 73) дар тамос шавад.

Инчунин, ёдрас мекунем, ки соли ҷорӣ дар субтестҳои забони тоҷикӣ, адабиёти тоҷик, забон ва адабиёти рус, забони хориҷӣ (англисӣ, немисӣ, франсавӣ ва арабӣ) саволу масъалаҳои навъи кушода – бо ҷавоби кӯтоҳ ворид карда шуданд.

Даври асосӣ (якум)-и имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2026  барои довталабони дар давраи асосии бақайдгирӣ (аз 2-юми март то 30-юми апрел) номнависшуда аз 1-уми июл оғоз мегардад.