Тел: (+99237) 224-53-68, E-mail: office@ntc.tj
- Диданд: 1178
Душанбе, 8-уми феврали соли 2016
Мувофиқи нақшаи чорабиниҳо оид ба ташкил ва гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли таҳсили 2016-2017 аз 8-ум то 23-юми феврали соли ҷорӣ семинари омӯзишӣ барои кормандони нуқтаҳои бақайдгирӣ баргузор мегардад. Барои иштирок дар семинари мазкур ва ҷалб гардидан ба кори муваққатӣ дар давраи бақайдгирӣ 237 нафар аз шаҳру ноҳияҳои ҷумҳурӣ ҳуҷҷат пешниҳод кардаанд, ки аз ин шумора 224 нафарашон ба иштирок дар семинари мазкур роҳ ёфтанд. Хотиррасон менамоем, ки семинари мазкур дар 5 минтақаи ҷумҳурӣ – шаҳрҳои Душанбе, Қӯрғонтеппа, Кӯлоб, Хуҷанд ва Хоруғ доир мегардад.
- Диданд: 1023
Душанбе, 1-уми феврали соли 2016
Маркази миллии тестии назди Президенти Ҷумҳурии Тоҷикистон иттилоъ медиҳад:
Вазорати маориф ва илми Ҷумҳурии Тоҷикистон ва Марказ тибқи “Тартиби баргузории имтиҳонҳои марказонидаи дохилшавӣ ба муассисаҳои таҳсилоти миёна ва олии касбии Ҷумҳурии Тоҷикистон” Курси омӯзишии низоми ИМД-ро дар се сатҳ – ҷумҳуриявӣ, шаҳрӣ/ноҳиявӣ ва муассисаҳои таълимии дахлдор ташкил мекунанд. Курси мазкур аз рӯйи маводи иттилоотиву методии омодакардаи Марказ: дастури иттилоотиву методии “Роҳнамои довталаб” ва “Барнома ва модули курси омӯзиши низоми имтиҳонҳои марказонидаи дохилшавӣ”, ки ба тамоми муассисаҳои таълимии дахлдор ройгон тақсим карда шудаанд, гузаронида мешавад. Инчунин, дар баробари маводи иттилоотии зикргардида, ба муассисаҳои таълимӣ Маҷмӯаи саволу масъалаҳои тест ва диск (намунаи электорнии маводи лозима) тақсим карда шудааст.
- Диданд: 2539
Душанбе, 1-уми феврали соли 2016
Тибқи дархости Вазорати маориф ва илми Ҷумҳурии Тоҷикистон даври дуюми олимпиадаи фаннии хонандагони муассисаҳои таҳсилоти миёнаи умумии вилояти Хатлон дар ҳамкории Раёсати маорифи вилояти Хатлон ва Маркази миллии тестии назди Президенти Ҷумҳурии Тоҷикистон доир гардид.
- Диданд: 976
Душанбе, 29-уми январи соли 2016
Бо ибтикори Маркази миллии тестии назди Президенти Ҷумҳурии Тоҷикистон 29 – уми январи соли 2016 дар маҷлисгоҳи Марказ (ш. Душанбе, хиёбони Рӯдаки 192) бо иштироки намояндагони масъули Марказ, Вазорати маориф ва илми Ҷумҳурии Тоҷикистон, директорон, намояндагони ваколатдори муассисаҳои таҳсилоти миёнаи касбии ҷумҳурӣ ва дигар намояндагони муассисаҳои таълимии мазкур мизи мудаввар доир гардид. Дар ҷамъомад низоми имтиҳонҳои марказонидаи дохилшавӣ, имтиҳонҳои эҷодӣ ва маҳорати махсус, инчунин ҳамкории Маркази миллии тестии назди Президенти Ҷумҳурии Тоҷикистон ва муассисаҳои таҳсилоти миёнаи касбӣ баррасӣ гардид.
- Диданд: 1054
Душанбе, 27-уми январи соли 2016
Маркази миллии тестии назди Президенти Ҷумҳурии Тоҷикистон иттилоъ медиҳад, ки 29-уми январи соли 2016 дар Маркази миллии тестии назди Президенти Ҷумҳурии Тоҷикистон (ш. Душанбе, хиёбони Рӯдаки 192 соати 09:00) бо иштироки намояндагони ваколатдори муассисаҳои таҳсилоти миёнаи касбии ҷумҳурӣ, мизи мудаввар доир ба низоми имтиҳонҳои марказонидаи дохилшавӣ гузаронида мешавад.
Телефонҳо барои тамос: 224-53-66, 224-53-68
Эълонҳо
Ҷавобҳои дуруст ба саволу масъалаҳои тест (даври дуюм)- Ҷавобҳои дуруст ба саволу масъалаҳои тест
- Феҳристи ихтисосҳо ва вазни субтестҳо
- Коэффитсиентҳои пешбинишуда барои шаҳру ноҳияҳо
- Нақшаи қабули с.т. 2025-2026 (ҷадвали ихтисосҳои давраи дуюми бақайдгирӣ)
- Роҳнамои довталаб – 2025
- Ҷадвалҳои мувофиқати холҳо ба балҳо – 2025
- ТАҚВИМИ ИМД – 2025
СТРАТЕГИЯ ҶУМҲУРИИ ТОҶИКИСТОН ОИД БА МУҚОВИМАТ БА ТЕРРОРИЗМ ВА ЭКСТРЕМИЗМ БАРОИ СОЛҲОИ 2021-2025
Даҳсолаи байналмилалии амал «Об барои рушди устувор», солҳои 2018-2028
