Нашр шуд: 29 Феврали 2016

Диданд: 1089

Душанбе, 29-уми феврали соли 2016

Ба диққати шахсоне, ки барои иштирок дар имтиҳонҳои марказонидаи дохилшавӣ – 2016 аз қайд гузаштан мехоҳанд, расонида мешавад, ки дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонӣ барои як довталаб ба тартиби зерин муқаррар карда шуд:

Нашр шуд: 27 Феврали 2016

Диданд: 1060

Душанбе, 27-уми феврали соли 2016

Намояндагони Маркази миллии тестии назди Президенти Ҷумҳурии Тоҷикистон дар “Рӯзҳои дарҳои кушода”-и Донишгоҳи давлатии тиҷорати Тоҷиистон, ки дар мувофиқа бо Вазорати маориф ва илми Ҷумҳурии Тоҷикистон 27-уми феврали соли ҷорӣ баргузор гашт, ширкат варзиданд.

Зимни вохӯрии мазкур директори Марказ Хуршед Тешаев дар бораи тамоми паҳлуҳои низоми имтиҳонҳои марказонидаи дохилшавӣ ва муҳимтарин раванду марҳалаҳои он, аз ҷумла, аз омодагию бақайдгирӣ то эълони натиҷаҳои озмуни тақсимот ба хатмкунандагони муассисаҳои таҳсилоти миёнаи умумӣ, ки дар чорабинӣ иштирок доштанд, маълумот дода, онҳоро дар мавриди дуруст муайян кардани бартарии интихоби ихтисосҳо ба ҳушёриву бодиққатӣ, инчунин барои васеъ истифода бурдани сомонаи Марказ даъват кард.

Дар охир намояндагони Марказ ба саволҳои иштирокдорон ҷавобҳо доданд.

Нашр шуд: 25 Феврали 2016

Диданд: 1073

Душанбе, 25-уми феврали соли 2016

Дар чаҳорчӯбаи корҳои иттилоърасонию таблиғотӣ дар Муассисаи давлатии таҳсилоти миёнаи умумии махсус барои ношунавоён дар шаҳри Душанбе роҳбарият ва кормандони Маркази миллии тестии назди Президенти Ҷумҳурияти Тоҷикистон бо хатмкунандагон, падару модарони хатмкунандагон ва омӯзгорони муассисаи мазкур вохӯрӣ баргузор намуданд. Зимни вохӯрӣ директори Марказ Хуршед Тешаев дар бораи низоми имтиҳонҳои марказонидаи дохилшавӣ ва муҳимтарин раванду марҳалаҳои он – омодагию бақайдгирӣ то эълони натиҷаҳои озмуни тақсимот муаррифӣ (презентатсия) намуд. Лозим ба қайд аст, ки муаррифӣ барои хатмкунандагон бо мадади тарҷумони имову ишора пешниҳод карда шуд.

Нашр шуд: 22 Феврали 2016

Диданд: 1228

Душанбе, 22-юми феврали соли 2016

Ба диққати алоқамандони имтиҳонҳои марказонидаи дохилшавӣ – 2016 расонида мешавад, ки рӯйхати нуқтаҳои бақайдгирӣ барои иштирок дар имтиҳонҳои мазкур тасдиқ гардид.

Тибқи рӯйхати мазкур, ки дар асоси таҳлили шумораи умумии хатмкунандагон вобаста аз шаҳру ноҳияҳо дар соли 2016 ва ҷиҳати таъмини дастрасии хоҳишмандон таҳия гардидааст, барои аз қайд гузаштани довталабон дар 26 шаҳру ноҳияи интихобии ҷумҳурӣ 28 нуқтаи доимии бақайдгирӣ ва дар 21 шаҳру ноҳия нуқтаҳои сайёри бақайдгирӣ ташкил карда мешавад.

Хотиррасон мекунем, ки бақайдгирии довталабон аз 1-уми марти соли ҷорӣ оғоз мегардад ва ҳар хоҳишманд имкон дорад, ки дар яке аз нуқтаҳои бақайдгирии барояш наздик аз қайд гузарад.