Нашр шуд: 02 Августи 2016

Диданд: 1923

Душанбе, 2-юми августи соли 2016

Ба диққати довталабоне, ки холҳои гузаришро аз ҳамаи субтестҳои дахлдор ва имтиҳонҳои эҷодӣ ва маҳорати махсус (агар ихтисосҳо супоридани чунин имтиҳонҳоро талаб карда, довталаб онҳоро супорида бошад) ба даст оварда, ба озмуни тақсимот РОҲ ЁФТААНД, мерасонем, ки натиҷаҳои озмуни тақсимоти довталабон ба муассисаҳои таълимии таҳсилоти миёна ва олии касбии Ҷумҳурии Тоҷикистон мувофиқи комбинатсияҳои ихтисосҳои интихобкардаашон 3‑юми август эълон карда мешавад.

Нашр шуд: 23 Июли 2016

Диданд: 1480

Душанбе, 23-юми июли соли 2016

Бо фармоиши вазири маориф ва илми Ҷумҳурии Тоҷикистон аз 23‑юми июли соли 2016, № 2180 холҳои гузариш (шумораи ҳадди ақалли холҳо) аз ҳар субтест дар доираи гурӯҳи ихтисосҳо ва имтиҳонҳои эҷодӣ ва маҳорат, ки барои роҳ ёфтан ба озмуни тақсимоти довталабон ба муассисаҳои таълимии таҳсилоти миёна ва олии касбӣ мувофиқи натиҷаҳои имтиҳонҳои марказонидаи дохилшавӣ – 2016 ба даст овардани онҳо зарур аст, муқаррар гардиданд.

Нашр шуд: 22 Июли 2016

Диданд: 1422

Душанбе, 22-юми июли соли 2016

Натиҷаҳои имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон 25-уми июли соли 2016 эълон карда мешаванд.

Маълумоти муфассал дар бораи натиҷаи имтиҳонсупории ҳар як довталаб дар кабинети инфиродиаш ҷойгир карда шуда, инчунин ба телефони мобилии ҳар як довталаб, ки дар варақаи бақайдгириаш дар майдони “Телефони мобилӣ” қайд гардидааст, SMS-паёмаки ройгон бо маълумоти мухтасар дар ин бора фиристода мешавад.

Нашр шуд: 22 Июли 2016

Диданд: 1289

Душанбе, 22-юми июли соли 2016

Маркази миллии тестии назди Президенти Ҷумҳурии Тоҷикистон хабар медиҳад, ки бо мақсади таъмин ва риояи ҳуқуқ ба арзёбии воқеӣ (объективӣ)-ии донишу маҳорати довталаб ба ӯ ҳуқуқи додани аризаи апеллятсионӣ дар бораи норозӣ будан аз натиҷаи имтиҳонҳо дода шудааст. Қабули аризаҳои апеллятсионӣ дар бораи норозӣ будан аз холҳои гузошташуда дар ИМД дар давоми 3 рӯз пас аз эълони натиҷаҳо, яъне рӯзҳои 25‑ум – 27‑уми июл дар бинои асосии Маркази миллии тестии назди Президенти Ҷумҳурии Тоҷикистон, бахши минтақавии он дар шаҳри Хоруғ, муассисаҳои таълимии шаҳру ноҳияҳои Қӯрғонтеппа, Кӯлоб, Хуҷанд, Истаравшан, Данғара ва Рашт, ки нишонии онҳо дар зер нишон дода шудааст, ба роҳ монда мешавад.