Тел: (+99237) 224-53-68, E-mail: office@ntc.tj
- Диданд: 1642
8 майи соли 2013 – Аз 13 то 31-и майи соли ҷорӣ дар доираи Озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон Муассисаи давлатии “Маркази миллии тестӣ” дар чор минтақаи ҷумҳурӣ (шаҳрҳои Душанбе, Қӯрғонтеппа, Хоруғ, Хуҷанд) барои хоҳишмандоне, ки тибқи эълони пешакӣ ҷиҳати иштирок дар озмуни интихоби маъмурони имтиҳонҳо ҳуҷҷат супоридаанд, семинар-тренинги омӯзишии якрӯза доир менамояд. Семинар-тренинги омӯзишӣ дар асоси модул ва барномаи таҳиягардида тибқи ҷадвали тасдиқгардида (шаҳри Душанбе – 13-15 май, шаҳри Қӯрғонтеппа – 20-22 май, шаҳри Хоруғ – 25 май ва шаҳри Хуҷанд – 29-31 май) гузаронида мешавад. Дар анҷоми семинар-тренинги омӯзишӣ барои мустаҳкам намудани маводҳои омӯзишӣ ба иштирокчиёни семинар-тренинг видеоролики омӯзишӣ намоиш дода мешавад.
- Диданд: 1885
2 майи соли 2013. Дар давоми 16 рӯзи бақайдгирӣ, ки аз 15 то 30 апрели соли 2013 идома ёфт, зиёда аз 7122 нафар хоҳишмандон барои иштирок дар Озмоиши калони низоми имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон аз қайд гузаштанд. Шумораи хоҳишмандоне, ки аз қайд гузаштаанд, 120 фоизи иҷрои бақайдгирии банақшагирифташударо дар доираи озмоиши мазкур ташкил медиҳад. Лозим ба тазаккур аст, ки таваҷҷуҳи зиёди хоҳишмандон ба тахассусҳои кластери 5 (тиббӣ, биологӣ ва варзиш) равона карда шудааст. Шумораи зиёди хоҳишмандони аз қайд гузашта дар ду нуқтаи бақайдгирӣ, ки дар шаҳри Душанбе таъсис дода шуда буд, ба қайд гирифта шуд.
- Диданд: 1448
26 апрели соли 2013. Имрӯзҳо дар ҷумҳурӣ Маркази миллии тестӣ Озмоиши ҷумҳуриявиро бо мақсади санҷиши тартиб, расмиёт ва ҷузъиёти низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон гузаронида истодааст.
- Диданд: 2375
25 апрели соли 2013. Дар давоми 10 рӯзи бақайдгирӣ дар 7 нуқтаи бақайдгирӣ, ки аз тарафи Муассисаи давлатии “Маркази миллии тестӣ” дар чор минтақаи ҷумҳурӣ: шаҳрҳои Душанбе, Қӯрғонтеппа, Хуҷанд ва Хоруғ таъсис дода шудааст, зиёда аз 5404 нафар хоҳишмандон барои иштирок дар Озмоиши калони низоми имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон аз қайд гузаштанд. Шумораи хоҳишмандоне, ки аз қайд гузаштаанд, 90 фоизи иҷрои бақайдгирии банақшагирифташударо дар доираи озмоиши мазкур ташкил медиҳад. Лозим ба тазаккур аст, ки таваҷҷуҳи зиёди хоҳишмандон ба тахассусҳои кластери 5 (тиббӣ, биологӣ ва варзиш) равона карда шудааст.
- Диданд: 2177
Эълон: Муассисаи давлатии “Маркази миллии тестӣ” ба маълумоти хонандагони синфҳои 10-уми муассисаҳои таҳсилоти миёнаи умумии ҷумҳурӣ мерасонад, ки баъд аз эълони натиҷаи имтиҳонҳо (1 августи соли 2013) нафарони аз натиҷаи имтиҳон норизо метавонанд дар давоми 48 соат ба Комиссияи апеллятсионии Маркази миллии тестӣ бо ариза муроҷиат намоянд. Аризаи хонанда тавассути намояндаи Маркази миллии тестӣ дар шуъбаҳои минтақавӣ қабул ва ба Комиссияи апеллятсионии Маркази миллии тестӣ фиристода мешавад.
Эълонҳо
СТРАТЕГИЯИ ДАВЛАТИИ МУҚОВИМАТ БА КОРРУПСИЯ ДАР ҶУМҲУРИИ ТОҶИКИСТОН БАРОИ ДАВРАИ ТО СОЛИ 2030
Даҳсолаи байналмилалии амал «Об барои рушди устувор», солҳои 2018-2028
