Нашр шуд: 04 Сентябри 2024

Диданд: 1140

Душанбе, 4-уми сенятбри соли 2024

Дар Маркази миллии тестии назди Президенти Ҷумҳурии Тоҷикистон ба муносибати 33-юмин солгарди Истиқлолияти давлатии Ҷумҳурии Тоҷикистон маросими супоридани мукофотҳои давлатӣ баргузор гардид.

Нашр шуд: 03 Сентябри 2024

Диданд: 1053

Душанбе, 3-юми сентябри соли 2024

Маркази миллии тестии назди Президенти Ҷумҳурии Тоҷикистон ба таваҷҷуҳи шахсоне, ки барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон аз қайд гузаштан мехоҳанд, мерасонад, ки Марказ барои беҳтару оснтар кардани сатҳу сифати хизматрасонӣ барои довталабон ва иҷрои фармони Президенти Ҷумҳурии Тоҷикистон “Дар бораи тадбирҳои вусъат додани ҳисоббаробаркунии ғайринақдӣ” минбаъд пардохти маблағи хизматрасониро дар ИМД тавассути Ҷамъияти саҳомии кушодаи “Бонки Эсхата” бо истифодаи  барномаи мобилии “Эсхата онлайн” қабул менамояд.

Нашр шуд: 01 Сентябри 2024

Диданд: 5816

Душанбе, 2-юми сентябри соли 2024

Ба таваҷҷуҳи шахсони хоҳишманди дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон расонда мешавад, ки Маркази миллии тестии назди Президенти Ҷумҳурии Тоҷикистон 2‑юми сентябр бақайдгирии довталабонро барои иштирок дар даври сеюми имтиҳонҳои марказонидаи дохилшавӣ (ИМД) ба муассисаҳои таълимии мазкур оғоз кард.

Нашр шуд: 23 Августи 2024

Диданд: 3163

Душанбе, 23‑юми августи соли 2024

Ба таваҷҷуҳи довталабоне, ки дар тақсимоти асосӣ ва такрорӣ дар асоси балҳои умумии бадастовардаашон аз рӯйи ҳеҷ яке аз комбинатсияҳои ихтисосҳои интихобкардаашон нагузаштаанд, расонда мешавад, ки  азнавбақайдгирии довталабони мазкур барои иштирок дар озмуни сеюм – тақсимоти такрории иловагӣ тибқи натиҷаҳои даврҳои якум ва дуюми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2024  аз 24‑ум то 26-уми август сурат мегирад.