Нашр шуд: 03 Июни 2025

Диданд: 2118

Душанбе, 3-юми июни соли 2025

Ба таваҷҷуҳи довталабони дар давраи якуми бақайдгирӣ барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон номнависшудае, ки ба гурӯҳҳои соҳибимтиёз дар имтиҳонҳои мазкур дохиланду то ҳол дар ин бора ҳуҷҷати тасдиқкунандаро пешниҳод накардаанд, расонида мешавад, ки муҳлати пешниҳоди чунин ҳуҷҷатҳо то 1-уми июл муқаррар гардидааст.

Нашр шуд: 02 Июни 2025

Диданд: 1746

Душанбе, 2-юми июни соли 2025

Ба диққати шахсони хоҳишманди иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2025 мерасонем, ки ба нақшаи қабули донишҷӯён ба муассисаҳои таълимии мазкур барои соли таҳсили 2025-2026 тағйирот ворид гардид. Вобаста ба тағйироти баамаломада шумораи ҷойҳо кам ё зиёд гардида, баъзе аз ихтисосҳо аз феҳристҳо хориҷ гардид ва ба феҳристҳо якчанд комбинатсияи ихтисосҳои нав ворид карда шуд. Тағйироти дигари баамаломада ин кам ё зиёд шудани маблағи шартномаи таҳсили баъзе аз ихтисосҳои муассисаҳои таълимӣ мебошад.

Нашр шуд: 02 Июни 2025

Диданд: 2564

Душанбе, 2-юми июни соли 2025

Бо мақсади роҳнамоии довталабоне, ки дар давраи якум (асосӣ)-и бақайдгирӣ (аз 3-юми март то 2-юми май) барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2025 аз қайд гузаштаанд, Маркази миллии тестии назди Президенти Ҷумҳурии Тоҷикистон  муассисаҳои таълимиеро, ки дар заминаи онҳо барои баргузории имтиҳонҳои мазкур марказҳои имтиҳонӣ ташкил карда мешаванд, интихоб кард ва рӯйхати онҳо аз ҷониби Вазорати маориф ва илми Ҷумҳурии Тоҷикистон тасдиқ карда шуд.

Нашр шуд: 26 Майи 2025

Диданд: 1335

Душанбе, 26-уми майи соли 2025

26-уми майи соли ҷорӣ дар муассисаи таълимии таҳсилоти миёнаи умумии № 19-и ноҳияи Синои шаҳри Душанбе бо мақсади омодагӣ барои баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2025 семинари омӯзишӣ барои тренерон оғоз гардид.